Ispaniya chempionati 11-tur markaziy o`yinida "Sevilya" jamoasi o`z maydonida "Barselona" futbolchilarini qabul qildi. Qiziqarli kechgan o`yinda kataloniyaliklar 2:1 hisobida zafar quchdi.
O`yinning 15-daqiqasida "Sevilya" a`zosi Vitolo darvozabon bilan birga-bir vaziyatga chiqib bordi va vaziyatdan unumli foydalanib hisobni ochdi. Birinchi bo`lim so`ngida Messi Neymarning to`p uzatishidan so`ng gol urib muvozanatni tikladi.
Uchrashuvning 61-daqiqasi o`tib borayotgan bir vaqtda "Sevilya" himoyachisi markazda to`pni oldirib qo`ydi, tezlik bilan qarshi hujumga o`tgan mehmonlar Suaresning golidan so`ng hisobda oldinga o`tib oldilar. Uchrashuv boshidan oxirigacha shiddatli va teng kurashlar ostida kechdi, biroq omad "Barselona"ga kulib boqdi.
Sevilya – Barselona 1:2 (1:1, 0:1)
Gollar: 1:0 – 15 Vitolo, 1:1 – 43 Messi, 1:2 – 61 Suares.
Sevilya – Riko, Rami, Eskudero, Mariano, Karrisu, Nasri (Iborra, 78), Sarabiya (Korrea, 84), Vitolo, Nzonzi, Vaskes (Ganso, 68), Vetto
Barselona – ter Stegen, Suares, Umtiti, Din, Buskets, Maskerano, Suares (Rafinya, 86), Serdji Roberto, Rakitich (Andre Gomesh, 73), Neymar, Messi.
Ogohlantirishlar: Neymar (10), Rami (26), Serji Roberto (44), Mariano (50), Din (66), Nzonzi (82), Messi (83), Karrisu (85), Suares (88), Maskerano (90).
