Veolia Energy Tashkent kompaniyasi mahalliy qozonxonalarga mobil generatorlar o`rnatdi. Bu haqda kompaniya matbuot xizmati xabar berdi.
Jami korxona tomonidan Toshkent shahrida mahalliy qozonxonalar ehtiyojlari uchun 31 ta generator o`rnatilgan.
Generatorlar issiqlik energiyasini ishlab chiqaradigan kompaniyaning mahalliy qozonxonalarini ishlashini ta`minlash uchun mo`ljallangan. Ushbu generatorlar elektr ta`minoti uzilishi vaqtida qozon uskunasining uzluksiz ishlashini ta`minlaydi.
Shuningdek, bugun Veolia Energy Tashkent kompaniyasi tomonidan elektr ta`minotida uzilish yuz bergan Olmazor tumanidagi 1 va 111-maktablarni issiqlik bilan ta`minlovchi mahalliy qozonxonalarga umumiy quvvati 210 kVt bo`lgan 2 ta generator o`rnatildi.
Bundan tashqari, har bir kompaniyaning tuman bo`limida elektr ta`minoti uzilib qolganda tezkor harakat qilish uchun zaxira generatori mavjud.
