Prezident Shavkat Mirziyoev Misr Arab Respublikasi Prezidenti Abdulfattoh as-Sisiga uning ushbu lavozimga qayta saylangani munosabati bilan samimiy tabriklar va eng ezgu tilaklar izhor etilgan maktub yo`lladi.
Tabrikda so`nggi yillarda birgalikdagi sa`y-harakatlar, qat`iy siyosiy iroda va oliy darajadagi faol muloqotlar natijasida O`zbekiston bilan Misr o`rtasidagi ko`p qirrali va uzoq muddatli aloqalar sifat jihatidan mutlaqo yangi bosqichga olib chiqilgani qayd etilgan va kelgusida yanada yuksak pog`onaga ko`tarilishiga ishonch bildirilgan.