Rossiyaning Barnaul shahrida yashovchi Inna Dombrovskaya kamyob turdagi mushuk bolasini sotib olish uchun mashinasini sotib yubordi.
Djinni laqabli Karaket egasiga million Rossiya rubliga tushdi($15,4 ming). Dombrovskayaning so`zlariga ko`ra, bunday mushuklar butun dunyoda 25 dona. Ularni ko`paytirish qiyin bo`lgani uchun juda qimmat turadi: ushbu nasldagi mushuklar karakal (cho`l silovsini) va abissin mushugining gibrididan iborat. Mushuk silovsinga o`xshaydi, faqat hajmi kichikroq.
Dombrovskayaning aytishicha, u 20 yildan ko`proq mushuklar bilan shug`ullanadi, u turli nasldagilarini boqqan, lekin doim yovvoyi hayvoni bo`lishini orzu qilgan.
«Ushbu mushukni ko`rganimda o`zimni tutib tura olmadim. Erim ham istagimga tushundi. Biz mashinamizni sotib yuborib, mushukni sotib oldik», — deydi u. Erini ko`ndirish uchun ayol uch hafta sarfladi.
