Yaponiya imperatori Akixitoning kelini, malika Kiko va nabirasi shahzoda Xisaxito o`tirgan avtomobil yo`l-transport hodisasiga uchradi. Bu haqda “TASS” xabar bermoqda.
Avtohalokat Kanagava prefekturasi Sagamixara shahrida yuz bergan. Dastlabki ma`lumotlarga ko`ra, YTH ishtirokchilaridan biri ikkinchisini borib urgan. Biroq ayb kimda bo`lganligiga aniqlik kiritilmagan.
Imperator saroyi boshqarmasining ma`lum qilishicha, imperator oilasi a`zolariga shikast etmagan.
Malika Kiko imperator Akixitoning kichkina o`g`li shahzoda Akisinoning rafiqasi hisoblanadi.
