Mushuk pod`ezdga tashlab ketilgan chaqaloqni o`limdan qutqardi

Dunyo 21.11.2016, 12:51
Teglar: Rossiya, Chaqaloq
Mushuk pod`ezdga tashlab ketilgan chaqaloqni o`limdan qutqardi

Rossiyaning Obninsk shahrida pod`ezdga tashlab ketilgan chaqaloqni olib ketish uchun kelgan “Tez yordam” mashinasining ortidan Murka laqabli mushuk ergashdi, deb xabar berdi “Love-psy.ru” nashri.

Kaluga viloyatining Obninsk shahrida joylashgan uylardan birida Murka laqabli mushuk yashaydi, uni uyda yashovchi barcha aholi yaxshi ko`radi. Yaqinda u noma`lum shaxs tomondan pod`ezdga tashlab ketilgan chaqaloqni isitib, bolani o`limdan qutqardi.

Ko`p qavatli uylardan birida yashovchi, hamshira bo`lib ishlovchi Nadejda Maxovikova mushukning ayanchli miyovlashini eshitib hayron bo`ldi. U birortasi mushukni qiynayaptimikan, degan xayolda pod`ezdga chiqdi. Shunda axlat tashlanadigan quvurning yonida turgan qutiga ko`zi tushdi. Quti ichida esa chaqaloq yotardi. Mushuk quti atrofida bezovta bo`lib aylanardi. Ayol shoshilib, bolani qo`liga oldi, pod`ezd sovuq bo`lishiga qaramay, mushuk chaqaloqni tanasi bilan sovuqdan himoya qilgani uchun chaqaloq issiqqina, sovuq qotmagan edi.  

Bolaga toza, qalin kiyim kiydirilgan bo`lib, hatto idishchada suti ham bor edi, biroq uning kimligi, kim tashlab ketgani haqida xat qoldirilmagandi. Polisiya va “Tez yordam” mashinasi etib kelgunga qadar mushuk bezovta bo`lib, bolaning yuzidan yalashga harakat qildi.

— Menimcha u chaqaloqni o`z bolasi, deb qabul qilgan, — deydi Nadejda Maxovikova.

Vrachlar bolani “Tez yordam” mashinasiga olib chiqayotganda, Murka ham mashinaga chiqishga harakat qilgan, ammo uni mashinaga mindirishmagan. Qo`shnilarning aytishicha, u mashinaning qaytishiga umid qilib, ancha vaqtgacha yo`lga ko`z tikib, o`tirgan. Keyin esa ortiga qaytib, bola yotgan qutini uzoq hidlagan.

Shahar kasalxonasiga olib ketilgan chaqaloqning ahvoli qoniqarli, polisiya uning ota-onasini qidirmoqda. 

Buni ko`rib, hayvonlar bolasiga odamlardan ko`ra, mehribonroq ekanligiga amin bo`lasan kishi...

Sharhlar

Farg`onadagi ekin dalasiga yangi tug`ilgan chaqaloq tashlab ketildi (video)

04.11.2023, 12:37

Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...
Rossiyadagi eri bilan janjallashgan ayol farzandlarini kaltakladi. Onaga nisbatan jinoiy ish ochildi (video)

15.07.2023, 09:45

Samarqand viloyati Kattaqo`rg`on tumanida 1996 yilda tug`ilgan ayol Rossiyada ishlovchi eri bilan janjallashishi oqibatida ikki nafar voyaga etmagan qiz farzandlarini kaltaklab, uni tasvirga olib, eriga...
Rossiyalik qutqaruvchilar Turkiyadagi vayronalar ostidan 150 ming AQSh dollari topib olishdi

14.02.2023, 13:14

Rossiyalik qutqaruvchilar qidiruv-qutqaruv ishlari davomida Turkiyadagi turar-joy binosi vayronalarini tozalash chog`ida katta miqdorda pul topdi. Bu haqda Rossiya Favqulodda vaziyatlar vazirligi xabar qildi."Rossiya Favqulodda vaziyatlar...
Daniyalik siyosatchi Rossiyadagi elchixona oldida uchinchi marta Qur`onni yoqib yubordi

30.01.2023, 12:54

Daniyalik siyosatchi Rasmus Paludan Rossiyaning Daniyadagi elchixonasi yaqinida uchinchi marta Qur`onni yoqib yubordi. Endi u buni "Checheniston va uning rahbarining aybi bilan" qilganini, shuningdek, chechenistonlik...
Ob-havo: Toshkent
Valyuta kursi
1