Ukraina G`arbiy Evropaga Rossiya gazining tranzitini to`xtatmoqchi. Bu haqda Zamon.uz Ukraina energetika vazirligi ma`lumotiga tayanib xabar bermoqda.
"Tasdiqlashim mumkinki, biz Gazprom bilan hech qanday qo`shimcha kelishuvlar tuzishni yoki ushbu shartnomaning amal qilish muddatini uzaytirishni rejalashtirmayapmiz", — dedi Ukraina energetika vaziri German Galushchenko.
Gazprom bilan amaldagi tranzit shartnomasi 2024 yil 31 dekabrgacha amal qiladi.
Vazir Evropa komissari Kadri Simsonning Evropa Ittifoqi Rossiya bilan tranzit shartnomasini uzaytirishdan manfaatdor emasligi haqidagi bayonotini eslatdi.
Galushchenkoning so`zlariga ko`ra, bugungi kunda bozorda Rossiya gaziga muqobil variantlar etarli. U bir yarim yil ichida Rossiya Federasiyasidan gazga qaramlikni deyarli nolga tushirgan Germaniyani misol qilib keltirdi. Vazirning qo`shimcha qilishicha, Ukraina o`zining energetik xavfsizligini, xususan, o`z gaz ishlab chiqarishini ko`paytirish orqali faol ravishda mustahkamlamoqda.
