Volgograd viloyatida yashovchi Yuriy Kruchinin dunyoning eng achchiq qalampirini muntazam iste`mol qilgani sababli kasalxonada vafot etdi. Bu haqda Zamon.uz xabar berdi.
“Carolina Reaper” nomli chili qalampiri AQShda ishlab chiqilgan va hozirda Ginnesning rekordlar kitobiga dunyodagi eng achchiq qalampir sifatida kiritilgan. 58 yoshli Kruchinin uni bozorda buyurtma qilgan va bir oy davomida iste`mol qilgan.
Ma`lumotlarga ko`ra, Kruchininning yaqin qarindoshlari bo`lmagan va uning do`stlari internetdan foydalanib, erkakning jiyanini topishga muvaffaq bo`lgan. U kelib, Yuriyni dafn etishga yordam bergan.
