Prezident Shavkat Mirziyoev Qozog`iston Prezidenti Qasim-Jomart Toqaevga Aqto`be viloyatida ro`y bergan avtomobil halokatida vafot etganlarning oila a`zolari va yaqinlariga bildirilgan chuqur hamdardlik uchun samimiy minnatdorlik bildirdi. Bu haqida Mirziyoevning Matbuot kotibi xabar berdi.
Davlat rahbarining maktubida yo`l-transport hodisasi sabablarini aniqlash va marhumlarni yurtimizga olib kelishda O`zbekistonning maxsus hukumat komissiyasi va idoralariga Qozog`iston Hukumati tomonidan ko`rsatilayotgan har tomonlama ko`mak uchun ham tashakkur izhor etilgan.
