Ijtimoiy tarmoqlarda farg`onalik bloger Farrux Abdullaevning IIO xodimlarining bosimidan norozi bo`lib, qilgan murojaati tarqaldi. Holat yuzasidan Farg`ona viloyati IIB rasmiy munosabat bildirdi.
Farrux Abdullaev Bosh prokuraturaga murojaat qilgan va organ xodimlari tomonidan turli xil bosimlar bo`layotganini aytgan.
"Farg`ona viloyati ichki ishlar xodimlari tomonidan menga nisbatan turli xil bosimlar bo`layotgani, mol-mulkimning noqonuniy tortib olinishi, kiyimlarimning yirtilishi, hattoki tan jarohati etkazishgacha borishganidan to`yib ketdim. Arizalarimga javob bermay, huquqlarimni poymol qilishmoqda", deb yozadi u o`zining ijtimoiy tarmoqlaridan birida.
Farg`ona viloyati IIB ijtimoiy tarmoqlardagi murojaat va unda keltirilgan holatlar nazoratga olinganini bildirgan.
Mazkur holat yuzasidan tegishli tartibda o`rganish ishlari olib borilayotgani aytilgan.
