Ijtimoiy tarmoqlarda Andijonda yo`lni belgilanmagan joyidan o`tayotganda ayollarni "Neksiya 3" urib ketgani aks etgan video tarqaldi.
Viloyat IIB YHXBning ma`lum qilishicha, holat joriy yilning 22 aprel soat 11:40 atrofida sodir bo`lgan. Haydovchi 1970 yilda tug`ilgan X.I. "Nexia-3" avtomashinasida Asaka tumani "Yangi sor" MFY hududida ketayotib, yo`lning belgilanmagan joyidan kesib o`tayotgan 1962 yilda tug`ilgan F.I.ni (ayol) urib yuborib yo`l-transport hodisasini sodir etgan.
Ushbu YTH natijasida, piyoda F.I. tan jarohati olib shifoxonaga murojaat qilgan.