Fransiyada Parijning “Disneylendi” va Eliseyida hujum uyushtirmoqchi bo`lgan terrorchilar qo`lga olindi, deya xabar beradi Sky News.
Ma`lumotlarga ko`ra, teraktlar 1 dekabrga rejalashtirilgan.
Gumondorlar orasida – yoshi 29 dan 38 gacha bo`lgin fransuzlar, marokashliklar va afg`onlar bor. Ularni Marsel va Strasburgda qo`lga olishdi.
Maxsus xizmat vakillari smartfonlar orqali yuborilayotgan ma`lumotlar orqali teraktni oldini olishga muvaffaq bo`lishdi. Dastlabki ma`lumotlarga ko`ra, hujum vaqti va joylari haqida buyruq Suriyadan berilgan.
Eslatib o`tamiz, 13 noyabr kuni Parijda bir vaqtning o`zida bir nechta terakt sodir bo`lgan bo`lib, 130 kishi halok bo`lgan va 350 nafari yaralangan.
