Xabar berilganidek, Vazirlar Mahkamasining 15.06.2024 yildagi “Yoqilg`i-energetika tarmog`ida tarif siyosatini yanada takomillashtirishga doir qo`shimcha chora-tadbirlar to`g`risida”gi qarori bilan 2035 yilgacha bo`lgan davrda O`zbekiston Respublikasi yoqilg`i-energetika tarmog`idagi tarif siyosatining asosiy yo`nalishlari belgilangan.
Hujjat bilan elektr energiyasi va tabiiy gaz uchun tariflarni shakllantirish tartibi to`g`risidagi nizomlar tasdiqlandi.
Tariflar ishlab chiqarish, qazib olish, uzatish va boshqa tizimli xizmatlar, taqsimlash va foydalanish va kapital xarajatlarni to`liq qoplashni hisobga olgan holda sotish xarajatlaridan kelib chiqqan holda shakllanadi.
Belgilangan tartibda tasdiqlangan elektr energiyasi va tabiiy gaz uchun tariflar 2026 yildan boshlab, uch yildan kam bo`lmagan muddatga amal qiladi.
Elektr energiyasining yagona va tabiiy gazning markaziy xaridori elektr energiyasi va tabiiy gazni Vazirlar Mahkamasi huzuridagi Idoralararo tarif komissiyasi tomonidan belgilangan tariflar bo`yicha sotib oladi hamda sotadi.
Aholining kam ta`minlangan va himoyaga muhtoj qatlamlarini davlat tomonidan qo`llab-quvvatlash elektr energiyasi va tabiiy gazning bazaviy normasini qo`llash hamda ular uchun tariflar oshganda kompensasiyalar berish yo`li bilan ta`minlanadi.
Tartibga solinadigan tariflar o`zida xarajatlarni aks ettirishi, elektr energetika tarmog`ining samarali ishlashi rag`batlantirilishini ta`minlashi va ijtimoiy kompensasiyalarni hisobga olishi lozim.
Elektr energiyasi uchun tariflarni shakllantirish tartibi to`g`risida nizom quyidagilarni nazarda tutadi:
- elektr energiyasi uchun tariflarni shakllantirish mexanizmi;
- tashkilotlar uchun talab qilinadigan daromadni va iste`molchilarning turli guruhlari uchun elektr energiyasi uchun tariflarni shakllantirish tartibi;
- tariflarni asoslash uchun hujjatlarni taqdim etish;
- tariflarni shakllantirish ustidan davlat nazorati va boshqalar.
Tabiiy gaz uchun tariflarni shakllantirish tartibi to`g`risida nizom quyidagilarni o`z ichiga oladi:
- tariflarni tartibga solish tamoyillari;
- turlar bo`yicha xarajatlarni va talab qilinadigan daromadni hisob-kitob qilish tartibi;
- subsidiyalanadigan tariflar;
- xarajatlar, aktivlar va daromadlarni taqsimlash tamoyillari va boshqalar.