Qishloq xo`jaligi vazirligida "O`zbekbaliqsanoat" uyushmasi rahbari Omon Musaev hamda Yaponiyaning "Trust engineering partners" kompaniyasi prezidenti Shozo Maishigi o`rtasida uchrashuv o`tkazildi.
Unda aholi soni o`sib borayotgan O`zbekistonda baliqchilik tarmog`ini yanada rivojlantirishda Yaponiya tajribasi va texnologiyasini joriy etish, mutaxassislarni jalb qilish masalalariga to`xtalib o`tildi.
Shuningdek, yurtimizda akvakultura sohasini rivojlantirish, sovuq suv baliqlari va ilg`or texnologiyalar asosida qisqichbaqasimonlarni (krevetka) sanoat miqyosida etishtirish yo`lida hamkorlik xususida fikr almashildi.Jumladan, O`zbekistonda krevetka etishtirish uchun mavjud shart-sharoitlar, tabiiy va sun`iy suv havzalari, suv hajmi va sho`rlik darajasi kabi zaruriy ma`lumotlar taqdim etildi.
Uchrashuv yakunida yurtimizda Yaponiya tajribasi asosida krevetkani sanoat usulida etishtirish loyihasini amalga oshirish yuzasidan kelishuvlarga erishildi.
