Respublika bojxonachilari tomonidan sifati kafolatlanmagan va tegishli hujjatlari bo`lmagan parfyumeriya va kosmetika mahsulotlarining olib o`tilishiga qarshi chora-tadbirlar davom ettirilmoqda. Bu haqda Toshkent shahar bojxona boshqarmasi axborot xizmatiga asoslanib, “Daryo” xabar bermoqda.
Yaqinda Toshkent bojxona xodimlari tomonidan katta miqdordagi parfyumeriya va kosmetika mahsulotlarining noqonuniy aylanmasiga chek qo`yildi.
Jumladan, «Keles» temir yo`l chegara bojxona posti xodimlari tomonidan Moskva—Toshkent yo`nalishidagi poezdning yo`lovchisi fuqaro Sh.Muxamedov (maqoladagi barcha ism-shariflar o`zgartirilgan) umumiy qiymati 8 million so`mdan ortiq 240 dona turli xil kosmetika tovarini vagonning hufiyona joyiga yashirib, olib kelayotgani aniqlandi.
Shunga o`xshash holatda Olmaota—Nukus yo`nalishi bo`yicha kirib kelgan poezd yo`lovchisi, qo`shni davlat fuqarosi T.Saidovning qo`l yuklari orasida umumiy qiymati 10 million so`mdan ortiq jami 246 dona turli xil parfyumeriya va kosmetika tovarini yo`lovchi bojxona deklarasiyasida hamda bojxonachilarning og`zaki so`rovi paytida ma`lum qilmagan.
Toshkent shahar bojxona boshqarmasining «Chuqursoy» tashqi iqtisodiy faoliyat bojxona posti xodimlari xorijdan Farg`ona viloyatida faoliyat yurituvchi xususiy tadbirkorlar nomiga keltirilgan temir yo`l konteyneridagi tovarlar belgilangan tartibda bojxona nazoratidan o`tkazilganda, mazkur konteynerda tegishli yo`l hujjatlarida ko`rsatilganidan ortiqcha bo`lgan 6 turdagi salkam 32 ming dona parfyumeriya va kosmetika tovari hamda oshxona anjomlari borligi aniqlandi. Dastlabki ma`lumotlarga ko`ra ushbu tovar moddiy boyliklarning umumiy narxi 160 million so`mni tashkil qiladi.
Hozirda mazkur holatlar yuzasidan bojxona tekshiruvlari va surishtiruv harakatlari davom ettirilmoqda.
16.05.2024, 13:28
Toshkentda metropoliten xodimi pora bilan ushlandi. U fuqaroning ishonchiga kirib, uni ishga joylab qo`yishni va`da qilgan. Bu haqda Toshkent metropoliteni matbuot xizmati xabar berdi. Ma`lum qilinishicha,...14.05.2024, 14:15
Joriy yilning 13 may kuni Toshkent shahar jinoyat ishlari bo`yicha Chilonzor tuman sudida ko`chada ayolga shilqimlik qilgan yigit bo`yicha ish ko`rib chiqildi. Bu haqda darakchi.uz...08.05.2024, 17:27
O`zbekiston Jahon tillari universitetining 2 bosqich talabasi bo`lgan 20 yoshli yigit Toshkentdagi Isroil elchixonasi yoniga borib, uni yoqib yuborish maqsadida devor osha ichkariga kerosin solingan...29.04.2024, 14:00
2024 yilning yanvar-mart oylarida nominal hisoblangan ish haqi o`rtacha 8 mln.ni tashkil etadi. Bu haqda Statistika agentligi xabar berdi. Ish haqining eng yuqori ko`rsatkichlari Toshkent...