Ayni kunlarda ijtimoiy tarmoqlarda go‘yoki “Iqtisodiyot va moliya vazirligi tomonidan har bir fuqaroga kompensatsiya to‘lanayotgani” to‘g‘risidagi yolg‘on ma’lumotlar tarqatilib, fuqarolarning bank plastik kartalaridagi mablag‘lar yechib olinishi holatlari kuzatilmoqda. Bu haqda xabar qilgan Iqtisodiyot va moliya vazirligi fuqarolarni ogohlantirmoqda.
"Sizdan shubhali havolalarga kirmaslikni, rasmiy manbalardan olinmagan ma’lumotlarni tekshirishni va ehtimoliy firibgarlikdan ogoh bo‘lishingizni so‘raymiz. Bank plastik kartangiz ma’lumotlari va boshqa shaxsiy ma’lumotlaringizni begona shaxslarga oshkor qilmang!
Barcha ishonchli va rasmiy ma’lumotlar Iqtisodiyot va moliya vazirligi veb-sayti (www.imv.uz) hamda ijtimoiy tarmoqlardagi sahifalari orqali e’lon qilib boriladi", - deyiladi rasmiy xabarda.
