Andijon viloyati Ulug‘nor tumanida 13 oktyabr kuni Spark va Damas ishtirokida yo‘l-transport hodisasi sodir bo‘ldi. Bu haqda YHXX axborot xizmati xabar berdi.
Ma’lum qilinishicha, hodisa tungi soat 01:30 da Ulug‘nor tumani «O‘zbekiston» mahallasi hududidan o‘tgan 4R-81 Namangan-Mingbuloq transport qatnov yo‘lida sodir bo‘lgan.
Spark haydovchisi charchoq holatida uxlab qolib, rul boshqaruvini yo‘qotishi ortidan qatnov qismining qarama-qarshi tomoniga o‘tib ketgan.
O‘z yo‘nalishida harakatlanib kelayotgan Damas Spark bilan to‘qnashib ketgan. To‘qnashuv oqibatida har ikkala transport vositalari to‘liq yonib ketgan.
Holat yuzasidan Ulug‘nor tumani IIB tergov bo‘linmasi mas’ul xodimlari tomonidan Jinoyat kodeksining 266-moddasi 3-qismi (Odamlar o‘limiga sabab bo‘lgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, hozirda dastlabki tergov harakatlari olib borilmoqda.
