Farg‘ona viloyati 10-maktabning 11-sinf o‘quvchisi 16 yoshli Dilafruz Jo‘raboyeva Microsoft kompaniyasining yoshlarga mo‘ljallangan Microsoft Learn Student dasturi Ambassadori bo‘ldi.
Endilikda Dilafruz Microsoft'ning O‘zbekistondagi yuzi sifatida faoliyat olib boradi va o‘zbekistonlik yoshlarni IT sohasiga jalb qilishga o‘z hissasini qo‘shadi.
“Ushbu loyihaga topshirishim ham, kirishim ham oson kechmadi. Texnik tomondan bilimlarim yaxshi bo‘lgani uchun meni nominatsiyaga qo‘yishdi. 1 yil davomida kompaniya tomonidan berilgan turli shartlar va topshiriqlarni a’lo darajada bajarish talab etildi. Shulardan biri Sun’iy intellekt texnologiyasi bo‘yicha berilgan 30 ta moduldan iborat dars va topshiriqlar bo‘ldi.”
Microsoft Student Ambassador bo‘lish nima beradi?
Ushbu maqomga ega bo‘lgan talaba texnik va yetakchilik bo‘yicha treninglar, Microsoft'ning keng ta’lim resurslariga kirish va kelajakni yaratishga ishtiyoqi baland bo‘lgan yoshlarni birlashtirish imkoniga ega bo‘ladi.
Bundan tashqari Ambassadorlar uchun Amerikaga viza olish va sayohat qilish qilish imkoniyatlari yaratiladi. Talaba tomonidan yoshlar uchun o‘tkaziladigan tadbirlarga uchun xomiylik beriladi. Kompaniyaning barcha mahsulotlari premium talqinlari bepul taqdim etiladi.
Ayni damda Dilafruz Yandex uchun o‘qish va stajirovkaga topshirgan, sinovlardan yaxshi o‘tsa Yandexning katta loyihalariga qo‘shilish imkoniyatiga ega bo‘ladi.
