Toshkentdagi KHAY ko‘chasining bir qismi bir oyga yopildi

Toshkent shahri Yashnobod tumanida Kichik halqa avtomobil yo‘lining bir qismi barcha harakat ishtirokchilari uchun yopildi. Bu haqda poytaxt hokimligi matbuot xizmati xabar berdi.

Qayd etilishicha, hududda yo‘l qurilish-ta’mirlash ishlari olib borilmoqda. Shu sababli KHAYning Maxtumquli ko‘chasi bilan kesishmasidagi yondosh yo‘l qismi 5 noyabrdan 5 dekabrgacha xizmat ko‘rsatmaydi.

Hokimlik noqulaylik uchun uzr so‘rab, muqobil yo‘llardan foydalanishni tavsiya qilmoqda.