Mamlakatimizda 2016 yil 4 dekabr kuni bo`lib o`tgan saylovda Shavkat Mirziyoev O`zbekiston Respublikasi Prezidenti etib saylangani munosabati bilan xorijiy davlatlar va hukumatlar, xalqaro tashkilotlar rahbarlari, xorijiy mamlakatlarning taniqli jamoat arboblaridan samimiy tilaklar bildirilgan qutlovlar kelmoqda, deb yozadi O`zA.
Xususan, Amerika Qo`shma Shtatlari Prezidenti Barak Obamaning tabrigida shunday deyiladi:
O`zbekiston Respublikasining saylangan Prezidenti
Shavkat Mirziyoev Janobi Oliylariga
Muhtaram janob Prezident!
Amerika Qo`shma Shtatlari nomidan Sizni O`zbekiston Respublikasi Prezidenti etib saylanganingiz bilan muborakbod etaman. Mamlakatlarimiz o`rtasidagi do`stlik va hamkorlik aloqalari mamlakatingiz mustaqillikka erishgach, ya`ni 25 yil avval boshlangan. O`zbekiston Respublikasining mustaqilligi, suvereniteti hamda hududiy yaxlitligini qo`llab-quvvatlashga doir siyosatimiz bugun ham davom etmoqda.
Sizning Prezident etib saylanishingiz O`zbekiston uchun muhim davrni boshlab berdi. Sizning mintaqada hamkorlikni rivojlantirish hamda xalqaro munosabatlarda muvozanatni saqlashga qaratayotgan alohida e`tiboringizni qo`llab-quvvatlayman. Shuningdek, Prezident vazifasini bajaruvchi sifatida muhim sohalarda, shu jumladan, iqtisodiyot va qonun ustuvorligi sohalarida Siz boshlagan ishlarni katta mamnuniyat bilan qayd etaman.
Hukumatingiz bilan o`rnatilgan hamkorlikni yanada rivojlantirishdan manfaatdormiz hamda ushbu aloqalarni yanada chuqurlashtirish uchun yangi imkoniyatlarni ishga solamiz. O`zaro umumiy manfaatlarimizni hisobga olib, mamlakatlarimiz farovonligi yo`lida birgalikdagi ishlarimizni davom ettiramiz, degan umiddaman.
Samimiyat bilan,
Barak Obama,
Amerika Qo`shma Shtatlari Prezidenti
27.12.2022, 10:08
AQShda qishki bo`ron tufayli kamida 50 kishi halok bo`ldi, deb xabar bergan NBC News. Telekanalning aniqlik kiritishicha, qurbonlarning aksariyati - kamida 14 nafari Nyu-York shtati...03.12.2022, 12:40
AQSh yangi B-21 Raider strategik bombardimonchi samolyotini namoyish etdi. Samolyot jahondagi ilk oltinchi avlod bombardimonchisi hisoblanadi, deya yozmoqda "zamon.uz".Uning namoyishida AQSh mudofaa vaziri Lloyd Ostin ishtirok etgan."Bu...12.10.2022, 11:42
Pekin Vashingtonga besh yil ichida etti davlatni bosib olish rejasini eslatdi. Xitoy Tashqi ishlar vazirligi vakili AQSh armiyasining iste`fodagi generali Uesli Klarkning Pentagonning 20 yil...05.10.2022, 11:12
AQSh prezidenti Jo Bayden 2024 yilda ikkinchi muddatga saylanishga qaror qildi. Bu haqda Amerikaning NBS telekanali xabar bergan.“Sentyabr oyida voiz Al Sharpton bilan bo`lgan uchrashuvda...