Latviyada o‘zbekistonlik ishchi kuchiga kvota belgilanmaydi.
Bu haqda Migratsiya agentligi, Tashqi ishlar vazirligi hamda O‘zbekistonning Latviyadagi elchixonasi mas’ullaridan iborat delegatsiyaning Latviya Farovonlik vaziri Uldis Augulis bilan Rigada o‘tgan uchrashuvda ma’lum qilindi.
Unda o‘zbekistonlik ishchi kuchiga Latviyada munosabat ijobiy ekanligi va hamyurtlarimiz yaxshi taassurot qoldirayotgani ta’kidlandi.
Bugungi kunda ushbu davlatda 4000 dan ortiq yurtdoshlarimiz mehnat faoliyatini olib bormoqda. Uchrashuvda bu raqamni yanada ko‘paytirishga ikki tomonda ham istak borligi ta’kidlandi. Shu bois, ishchilar soniga kvotalar belgilanmaydi.
