Rossiya fuqaroligiga ega isroilliklar Rossiyaga safar qilishsa harbiy xizmatga jalb qilinishi mumkin. Bu haqda Isroil TIV xabar qildi.
Vazirlikka ko‘ra, ikki fuqarolikka ega bo‘lgan shaxslar Rossiyada armiyaga chaqiruv, shuningdek, mamlakatga kirish va chiqish talablari bo‘yicha qonunlarga bo‘ysunishi kerak bo‘ladi.
Ikki fuqarolikka ega bo‘lgan shaxs Rossiyaning xorijga chiqish pasporti bo‘lmasa ham mamlakatga kirishi mumkinligi, ammo uning tashqarisiga chiqa olmasligi qo‘shimcha qilindi.
Isroil Tashqi ishlar vazirligi Rossiya Federatsiyasining Ukrainaga keng ko‘lamli bosqinining dastlabki kunlarida xuddi shunday bayonotni e’lon qilgan edi. Ammo, yangi eslatma nima uchun yana paydo bo‘lgani noma’lum.
