Россия фуқаролигига эга исроилликлар Россияга сафар қилишса ҳарбий хизматга жалб қилиниши мумкин. Бу ҳақда Исроил ТИВ хабар қилди.
Вазирликка кўра, икки фуқароликка эга бўлган шахслар Россияда армияга чақирув, шунингдек, мамлакатга кириш ва чиқиш талаблари бўйича қонунларга бўйсуниши керак бўлади.
Икки фуқароликка эга бўлган шахс Россиянинг хорижга чиқиш паспорти бўлмаса ҳам мамлакатга кириши мумкинлиги, аммо унинг ташқарисига чиқа олмаслиги қўшимча қилинди.
Исроил Ташқи ишлар вазирлиги Россия Федерациясининг Украинага кенг кўламли босқинининг дастлабки кунларида худди шундай баёнотни эълон қилган эди. Аммо, янги эслатма нима учун яна пайдо бўлгани номаълум.
