O`zbekiston Respublikasining Saylangan Prezidenti Shavkat Mirziyoev 2016 yilning 12 dekabr kuni Qohira shahrida joylashgan cherkovda sodir etilgan terrorchilik harakati oqibatida ko`plab insonlarning, ayniqsa begunoh ayollar va bolalarning nobud bo`lgani va jarohat olgani munosabati bilan Misr Arab Respublikasi Prezidenti Abdulfattoh As-Sisiga samimiy ta`ziya izhor etidi. Bu haqda TIV matbuot xizmati xabar bermoqda.
Davlatimiz rahbari halok bo`lganlarning oila a`zolari hamda yaqinlariga sabr va bardamlik, jarohatlangan kishilarga shifo ato etishini tiladi.
