Xonadoningizdagi okeanning bir parchasi nafaqat interer uchun bezak, balki salomatlikka ham koni foyda ekanligini bilasizmi? Gap nima haqida borayotganini baliqsevarlar darhol tushunishdi. Zero, bu jonivor inson ruhiyatiga ijobiy ta`sir ko`rsatib, uning xotirjamligiga xizmat qilishiyu qator xastaliklarini davolashga hissa qo`shishini dunyo olimlari bot-bot ta`kidlashmoqda.
Serfazilat jonivor
Xonadonida baliq parvarishlovchilar boshqalarga nisbatan to`rt-besh yil uzoq umr kechirishar va uch barobar kamroq shifokorga murojaat qilishar ekan. Aytishlaricha, Qadimgi Xitoy imperatorlari davlat tadbirlariga kirishishdan avval yarim soat baliqlarni kuzatishni odat qilishgan ekan.
Zoopsixologlarning ma`lumotlariga ko`ra, besh daqiqa rang-barang baliqlarni kuzatish inson organizmiga foydalilik jihatidan yigirma daqiqalik uqalash yoki yarim soat suvda suzish mashqlaridek ijobiy ta`sir etadi. Shuningdek, beozor baliqlar bir qancha dardlarga davo ekanligini ham shifokorlar ko`p marotaba e`tirof etishayapti.
“Nahot, meni davolasang?!”
* Neyrodermit (qattiq qichishish va keyinchalik terida o`zgarishlar ro`y berishi bilan o`tadigan teri kasalligi) bilan og`rigan bemorlar sun`iy havzada yashovchi jonivorlarni uzoq vaqt davomida tomosha qilishsa, xastaliklari asta- sekin ariy boshlaydi.
* Akvariumdagi bug`langan suv xona haroratining namligini oshirib, nafas olishni engillashtiradi. Shu bilan birga yuqori nafas yo`llari xastaliklarining oldini olishga xizmat qiladi. Bu, ayniqsa, bronxial astmaga chalingan bemorlar uchun juda foydalidir.
* Sun`iy havzada harakatlanayotgan baliqlar yurak qon-tomir kasalliklari muolajasida ham samara beradi. Xususan, shifokorlar stenokardiya bilan og`rigan bemorlarga baliq boqishni tavsiya etadilar. Gipertoniya va nevrosteniya xastaliklariga chalinganlar sokin, bir maromda harakatlanuvchi baliqlarni, anemiya, gipertoniya va depressiyaga duchor bo`lganlar esa jadal harakatlanuvchi rang-barang baliqlarni tomosha qilishlari tavsiya etiladi.
* Shuningdek, bu mitti jonivorlar asabiylikni engishga yordam berishi mumkin. hatto qisqa fursat davomida ularni tomosha qilish asabni tinchlantirib, qon bosimini me`yoriga keltiradi.
Uyqusizlikdan aziyat chekuvchilar 30-40 daqiqa davomida akvariumni tomosha qilsalar, orom ola boshlaydilar.
* Bolalardagi gepatit, ya`ni “sariq kasal”da baliqlarni tomosha qilish, xastalik engillashishiga sabab bo`ladi. Afsuski, muolaja uchun tanlangan baliqlar uzoq yashamaydi. Chunki ular insondagi salbiy quvvatni o`ziga olib, tez orada nobud bo`ladi.
* Maktab yoshidagi bolalarda diqqatni jamlay olmaslik, injiqlik va charchoq holatlari kuzatilganida ham mitti do`stlarimiz yordamga keladi.
* Dunyoning ba`zi shaharlaridagi dorixonalarda maxsus akvarium syujetlari tasviriga ega videotasmalar sotiladi. Ulardan shifoxonalarda, ayniqsa, tish shifokori qabulida foydalanish samarali natijalar bermoqda.
* Ba`zilar baliq allergik xastaliklarni qo`zg`atishidan xavotirga tushishadi. Biroq baliqning o`zi emas, balki uning quruq ozuqasigina allergiya qo`zg`atuvchidir.
Saodat tayyorladi.
06.08.2021, 17:47
CCV Matbuot xizmati buyrak etishmovchiligi qanday xastalik ekani va uni bartaraf etishda mamlakatimiz tibbiyoti nimalarga qodirligi haqida Respublika shoshilinch tibbiy yordam ilmiy markazi bo`lim rahbari,...26.12.2017, 13:12
— Uch yashar o`g`lim ovqat chaynab yutayotganida qulog`ini ushlab, og`riyotganini aytdi. Shifokorga ko`rsatsam, otit deb tashxis qo`ydi. Bu qanday kasallik? Uni uyda davolasa bo`ladimi? Nazira...26.12.2017, 13:08
— Emizikli chaqalog`im ekssudativ diatez kasalligi bilan og`rigandi. Hozir sog`aygan bo`lsa-da, ayrim taomlarni iste`mol qilganimda uning badanida qizg`ish dog`lar paydo bo`ladi. Go`dakda diatez qaytalamasligi uchun...26.12.2017, 11:36
Uzoqni ko`ra olmaslik;skolioz (umurtqa pog`onasining qiyshayishi);gastrit;ruhiy-asab tizimi buzilishlari kabilarni maktab kasalliklari sirasiga kiritish mumkin. Statistikaga ko`ra, har besh bolaning biri umurtqa pog`onasi muammolaridan qiynalsa, har...