Qoraqalpog‘iston Respublikasi Nukus shahrida 1,8 mlrd so‘mlik tabiiy gazdan noqonuniy foydalangan MCHJning mas’ul shaxslari qo‘lga olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti axborot xizmati ma’lum qildi.
Qayd etilishicha, Nukus shahrida departamentning Qoraqalpog‘iston Respublikasi boshqarmasi xodimlari tomonidan tergovga qadar tekshiruv o‘tkazilgan.
Tekshiruvda Nukus shahrida faoliyat yurituvchi “D.S.” MCHJ mas’ul shaxslari qurilishi tugallanmagan ko‘p qavatli binoda gaz tarmog‘iga to‘g‘ridan-to‘g‘ri ulanib, 1,8 mlrd so‘mlik tabiiy gazdan noqonuniy foydalanganliklari aniqlangan.
“Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda”, — deyiladi xabarda.
