Bo`lajak ona samolyotda uchishiga to`g`ri kelganida “Bolamning sog`lig`iga zarar emasmikan?” deya hadiksiraydi. Xavotirga o`rin yo`q, quyidagi qoidalarlardan boxabar bo`lsangiz kifoya.
1. Agar homiladorlik davrida ayolni hech qanday kasallik bezovta qilmasa, birinchi uch oylik oxiri va ikkinchi uch oylik davrida samolyotda uchish xavfsiz hisoblanadi.
2. Birinchi 8 haftalikda samolyotda uchish qat`iyan man etiladi. Shuningdek, uchinchi uch oylikda ham samolyotda uchish tavsiya etilmaydi, chunki ona organizmi tug`ishga tayyorgarlik ko`rayotgan bo`ladi. Bu davrda samolyotda uchish muddatdan oldingi tug`riqni keltirib chiqarishi mumkin. Shuning uchun ham bir qator aviakompaniyalar homiladorlikning oxirgi oylarida samolyotda uchishni taqiqlab qo`yganlar.
3. 2 ta va undan ortiq bolaga homiladorlikda va sun`iy urug`lantirish yo`li bilan homilador bo`lganda ham uchish mumkin emas.
4. Agar homilador ayol o`zini yaxshi his qilayotgan bo`lsa, genekolog shifokorning ruxsati bilan uchish mumkin. Imkonini topsangiz, biznes klassda uching, u erdagi o`rindiqlar yumshoq va qulayroq hisoblanadi.
5. Agar safaringiz uzoq davom etsa, ora-orada turib yurib, oyoq chigalini yozing.
6. Bachadon tonusi yuqori bo`lgan ayollar ham samolyotda uchmay turganlari maqul, aks holda homila tushishi xavfi kuchayadi.
7. Agar homilador ayolda samolyotda uchishga qarshi sabablar bo`lsa yoki balandlikdan qo`rqsa, safarga chiqishning boshqa yo`llarini qidirishga to`g`ri keladi. Masalan, avtoulov yoki poezdda safarga otlaning.
23.08.2021, 16:08
Qishning qirovli kunlaridan eson-omon chiqib olgan Komiljon ota kenja farzandi Murodni (ism-shariflar o`zgartirilgan) uylash maqsadida to`y tayyorgarliklarini boshlab yubordi. Uzoq izlanishlardan so`ng qiz ham topildi. Biroq unashtiruv...06.08.2021, 17:47
CCV Matbuot xizmati buyrak etishmovchiligi qanday xastalik ekani va uni bartaraf etishda mamlakatimiz tibbiyoti nimalarga qodirligi haqida Respublika shoshilinch tibbiy yordam ilmiy markazi bo`lim rahbari,...01.06.2021, 18:32
So`nggi vaqtlarda ijtimoiy tarmoqlarda xotin-qizlarning tahqirlanishi, ayovsiz kaltaklanish holatlari aks etgan xabar va voqealar haqidagi chiqishlar keskin ortib ketdi. Ammo bu kabi vaziyatlar kechagina sodir...13.05.2021, 22:34
Farg`ona viloyati Marg`ilon shahrida 32 yashar ayol uyining tomorqasida ko`knori o`simligi etishtirayotgani aniqlandi, deya xabar bermoqda IIV matbuot xizmati.Qayd etilishicha, 2021 yilning 5 may kuni...