Yevropa Ittifoqi Rossiyadan sotib olinadigan neft uchun narxning yuqori chegarasini 60 dollardan 50 dollargacha tushirishni taklif qilmoqda. Bu haqda “Reuters” agentligi xabar berdi.
Ma’lumotga ko‘ra, bu masala 20–22 may kunlari Kanadada bo‘lib o‘tadigan G7 moliya vazirlari uchrashuvida muhokama qilinadi.
Yevrokomissar Valdis Dombrovskisning aytishicha, taklif Ukraina urushi sabab Rossiyaga qarshi yangi sanksiyalar paketi doirasida ko‘tarilgan. Garchi u aniq raqamni aytmagan bo‘lsa-da, Reuters manbalari narx 50 dollargacha tushirilishi mumkinligini bildirmoqda.
Eslatib o‘tamiz, G‘arb davlatlari avvalroq Rossiya neftiga 60 dollarlik narx chegarasini joriy qilgan edi.
