Yillar davomida kutilgan orzu ushaldi. O‘zbekiston milliy terma jamoasi o‘z tarixida ilk bor futbol bo‘yicha Jahon chempionatiga yo‘llanma oldi.
Prezident Shavkat Mirziyoyev rahbarligida sport va futbol sohasida amalga oshirilgan islohotlar o‘z samarasini berdi.
Natijada O‘zbekiston milliy terma jamoasi jahon futbolidagi eng nufuzli musobaqa — Jahon chempionati ishtirokchilari qatoridan joy oldi.
Bu yutuq millionlab muxlislarning ko‘p yillik orzusi ro‘yobi, mamlakat futboli tarixidagi eng muhim sahifalardan biri bo‘ldi.
Jahon chempionati yo‘llanmasini qo‘lga kiritib, O‘zbekiston nomini tarixga muhrlagan futbolchilar, murabbiylar shtabi va terma jamoa atrofida mehnat qilgan barcha mutaxassislarga yuksak ehtirom bildirilmoqda.
