Bugun, 2026 yilgi jahon chempionati “F” guruhidan o‘rin olgan Tunis va Yaponiya terma jamoalari o‘rtasidagi uchrashuv yakunlandi. Unda Yaponiya terma jamoasi 4:0 hisobida ishonchli g‘alabaga erishdi.
Hisob uchrashuvning 6-daqiqasida yarim himoyachi Dayichi Kamada tomonidan ochildi. 31-daqiqada hujumchi Ayase Ueda yaponiyaliklarning ustunligini ikki baravarga oshirdi.
Ikkinchi bo‘limda ham osiyoliklar tashabbusni qo‘ldan bermadi. 69-daqiqada Junya Ito uchinchi golni kiritgan bo‘lsa, 83-daqiqada Ayase Ueda o‘z dublini rasmiylashtirib, uchrashuvga yakuniy nuqta qo‘ydi.
Shu tariqa, Yaponiya Tunisni 4:0 hisobida mag‘lub etib, muhim uch ochkoga ega chiqdi.
Ma’lumot uchun, “F” guruhining 1-turida Tunis Shvetsiyaga 1:5 hisobida imkoniyatni boy bergan, Yaponiya esa Niderlandiya bilan 2:2 hisobida durang qayd etgan edi.
Eslatib o‘tamiz, Jahon chempionati guruh bosqichi uchrashuvlari 11 iyundan 27 iyunga qadar davom etadi.
Reglamentga ko‘ra, har bir guruhdan dastlabki ikki o‘rin sohiblari hamda uchinchi o‘rindagi eng yaxshi sakkizta jamoa pley-off bosqichiga yo‘l oladi.
