Istanbul shahrining Baxchelievler tumanidagi Diyonat boshqarmasiga qarashli Qur’on kurslarida tahsil olgan 24 nafar voyaga yetmagan o‘quvchi jinsiy zo‘ravonlik qurboni bo‘lgani haqidagi xabarlar keng jamoatchilik muhokamasiga sabab bo‘lmoqda. Bu haqda O‘zbekistonning Istanbuldagi Bosh konsulxonasi ma’lum qiladi.
Ta’uidlanishicha, jabrlanganlar orasida O‘zbekiston fuqarolari mavjudligiga mahalliy hokimiyat idoralari orqali aniqlik kiritilmoqda.
Avvalroq yuqoridagi holat bilan bog‘liq bo‘lmagan holda, Turkiya hududida noqonuniy faoliyat yuritayotgan yashirin diniy ta’lim muassasalarida voyaga yetmagan O‘zbekiston fuqarolariga nisbatan jinsiy zo‘ravonlik holatlari aniqlangani va bir qator shaxslar javobgarlikka tortilganini ma’lum qilinmoqda.
"Farzandlaringizni begona shaxslarga ishonib, chet eldagi norasmiy diniy ta’lim muassasalariga yubormang. Ularning taqdiri va xavfsizligi – sizning e’tiboringiz va mas’uliyatingizga bog‘liq!
Agar sizda shubhali ta’lim muassasalari yoki bolalar huquqlariga tajovuz holatlari haqida aniq ma’lumot bo‘lsa, darhol Bosh konsulxonaga murojaat qilishingizni so‘raymiz", - deyiladi Bosh konsulxona xabarida.
