Kecha, 8 iyul kuni Buxoro viloyatidagi ko‘p qavatli uyning yerto‘lasida yong‘in yuz berdi. Bu haqda FVV matbuot xizmati ma’lum qildi.
Qayd etilishicha, holat kechasi soat 16:47 da Buxoro shahar “A.G‘ijduvoniy” MFY, B.Naqshband ko‘chasida sodir bo‘lgan.
Shunga ko‘ra 4 ta yong‘in-qutqaruv ekipaji soat 16:51 da voqea joyiga yetib borib, yong‘in soat 17:03 da to‘liq o‘chirilgan.
Ma’lum bo‘lishicha yerto‘lada taxminan 20 kv.m maydonda chiqindilar yongan.
Yong‘in natijasida ko‘p qavatli uyning kirish eshigi va yo‘laklari yong‘in tutuni bilan qoplanganligi sababli 1-2-3-qavatlardagi xonadonlardan 9 nafar fuqaro qutqaruvchilar tomonidan zudlik bilan evakuatsiya qilinib, birinchi yordam ko‘rsatilgan.
Yong‘in oqibatida tan jarohati olganlar yo‘q. Yong‘inning kelib chiqish sababi va moddiy zarari aniqlanmoqda.
