15 iyulga o‘tar kechasi Rossiyaning beshta viloyatida dron hujumlari qayd etildi. Rossiya Mudofaa vazirligi xabariga ko‘ra, Belgorod, Voronej, Lipetsk, Rostov va Kursk viloyatlarida jami 55 ta dron urib tushirilgan.
Voronej viloyatida dronlardan biri ko‘p qavatli uyga urilgan. Viloyat gubernatori Aleksandr Gusevning ma’lum qilishicha, 16 kishi tan jarohati olgan, ulardan biri og‘ir ahvolda. Dron parchalari yaqin atrofdagi bolalar bog‘chasiga tushib, binoga zarar yetkazgan.
Lipetsk viloyatining Yelits shahrida dron portlashi oqibatida bir kishi jarohatlangan. Portlash sanoat hududida sodir bo‘lgan, yong‘in yuzaga kelgan. Mahalliy axborotlarga ko‘ra, bu hududda dronlar uchun batareya ishlab chiqaruvchi zavod joylashgan.
Xuddi shu kech Rossiya ham Ukraina hududlariga dron hujumlarini amalga oshirdi. Xarkov viloyatida dron xonadon ustiga qulab tushgan, 68 yoshli ayol jarohatlangan. Sumska viloyatida esa 14 yoshli qiz portlash parchalari bilan yaralangan.
Donetsk viloyatida Rossiya harbiylari “Smerch” reaktiv tizimi orqali zarba bergan. Obro‘li manbalarga ko‘ra, to‘rt nafar tinch fuqaro jabrlangan.
