Kecha, 28 iyun dunyo bo‘ylab Xalqaro gepatitga qarshi kurash kunida Jahon sog‘liqni saqlash tashkiloti kasallikni yo‘q qilish va asoratlarini bartaraf etishga qaratilgan bayonot bilan chiqdi.
Bayonotga ko‘ra, sayyora bo‘ylab har 30 soniyada bitta bemor og‘ir jigar xastaligi yoki virusli gepatit sabab kelib chiqadigan saratondan vafot etmoqda. Shunga qaramay, epidemiyani to‘xtatish uchun barcha imkoniyatlar hamda vositalar yetarli.
Ma’lum qilinishicha, gepatitning A, V, S, D VA Ye turlari o‘tkir jigar kasalliklarining asosiy omili hisoblanib, faqat V, S, D turlari jigar yetishmovchiligi va sirrozi kasalliklarini keltirib chiqarishi mumkin.
Shu sababdan aksariyat bemorlar virusni yuqtirganidan bexabar. Statistik ma’lumotlarga ko‘ra, hozir dunyoda gepatitning V, S va D turlariga chalingan 300 milliondan ortiq bemor bo‘lib, ulardan har yili 1,3 million nafardan ziyodi xastalik sabab vafot etmoqda.
Ma’lumot uchun, gepatit bo‘yicha milliy harakat rejasiga ega mamlakatlar soni 2025 yilda 59 tadan 123 taga ko‘paygan. Joriy yilda 129 ta davlat homilador ayollarda gepatit B ni tekshirish siyosatini ishlab chiqqan. Bu 2024 yilga solishtirganda 23 ta ko‘p.
