Farg‘ona viloyati Rishon tumanida joylashgan “Yuksalish” fermer xo‘jaligi rahbari 2024-yilda topshirgan g‘alla uchun haq so‘raganidan so‘ng, “Qahramon” g‘alla klasteri rahbari va uning qarindoshlari tomonidan kaltaklanganini ma’lum qildi.
Voqea 28-iyuldan 29-iyulga o‘tar kechasi yuz bergan. Fermerning aytishicha, hozirda u kasalxonada, biroq tuman rahbarlari hamda huquqni muhofaza qiluvchi organlar holatga e’tibor qaratmayapti.
Hozircha rasmiy idoralar voqea yuzasidan munosabat bildirmagan. Jamoatchilik bu masalada adolatli surishtiruv va aybdorlarning javobgarlikka tortilishini talab qilmoqda.
