Qashqadaryo viloyati Shahrisabz tumani Favqulodda vaziyatlar bo‘limi boshlig‘i haydovchi lavozimiga ishga joylashishda yordamlashishni va’da qilib, 6 ming dollar talab qilgan.
Davlat xavfsizlik xizmati va Bosh prokuratura huzuridagi Departament tomonidan o‘tkazilgan tezkor tadbirda u 3,5 ming dollarni olgan paytda qo‘lga olingan.
Farg‘ona viloyati Marg‘ilon shahrida esa maktabgacha va maktab ta’limi bo‘limi bosh mutaxassisi bog‘cha ochish uchun ruxsatnoma olib berish bahonasida 2 ming dollar olgan vaqtida ashyoviy dalillar bilan ushlangan.
Har ikki holat yuzasidan Jinoyat kodeksining 168 (firibgarlik) va 211 (pora olish) moddalari bo‘yicha jinoyat ishi qo‘zg‘atilib, tergov harakatlari olib borilmoqda.
