O‘zbekistonda yordamga muhtoj aholini ijtimoiy himoya qilishga katta miqdorda pul ajratildi. Bu haqda bugun, 29 avgust kuni davlat rahbari boshchiligida o‘tkazilayotgan “Yangi O‘zbekiston” bog‘ida mamlakatimiz davlat mustaqilligining 34 yilligiga bag‘ishlangan bayram tadbirida so‘z bordi.
Bu tizim xonadonlargacha kirib borgani, ehtiyojmand aholi bilan individual ishlash yo‘lga qo‘yilgani, “Inson” ijtimoiy xizmatlar markazlari tashkil etilgani barcha uchun teng imkoniyat yaratilgan inklyuziv jamiyatni shakllantirishga xizmat qilmoqda.
“mamlakatda begona odam ham, begona bola ham yo‘q. Barchamiz yagona yurt farzandlarimiz, yagona Vatan ranaqiga xizmat qilamiz.
Shu ma’noda, bitta bo‘lsa ham qiyin ahvolga tushib qolgan hamyurtlar taqdiri barchani birdek tashvishga solishi kerak. Chunki xalqning eng katta qudrati – mehr-oqibat, saxovat va birdamlikdadir”,
– dedi Prezident.
Umuman, bu yilning o‘zida yordamga muhtoj aholini ijtimoiy himoya qilishga 19 trillion so‘m mablag‘ yo‘naltirilmoqda.
Bularning barchasi o‘z samarasini berib, mamlakatda qashshoqlik darajasini 6,8 foizga tushirishga erishildi. Xalqaro tashkilotlar besh-olti yil oldin usbu raqamni 35 foiz atrofida baholaganini hisobga olsak, qisqa davrda bu borada qanday katta yo‘lni bosib o‘tganimiz yaqqol ayon bo‘ladi.
“Biz tadbirkorlikni rivojlantirish, keksalar, xotin-qizlar, yoshlar, ijtimoiy yordamga muhtoj insonlarni qo‘llab-quvvatlash, qashshoqlikni qisqartirish bo‘yicha ishlarimizga yangi shiddat beramiz. Xalq uchun munosib sharoyitlar yaratish borasidagi islohotlar bir daqiqa ham to‘xtamaydi”,
– deydi davlat rahbari.
