Janni Infantino "CAFA Nations Cup 2025" musobaqasining final o‘yinini stadiondan tomosha qilish uchun O‘zbekistonga keladi. O‘zbekiston futbol assotsiatsiyasi taklifiga ko‘ra, FIFA prezidenti Janni Infantino O‘zbekistonga keladi. Bu haqda O‘zbekiston futbol assotsiatsiyasi Matbuot xizmati xabar berdi.
Infantino O‘zbekistonda futbolni yanada rivojlantirishga doir loyihalarni muhokama qilish, Milliy futbol markazi bilan yaqindan tanishish hamda "CAFA Nations Cup 2025" musobaqasining final o‘yinini stadiondan kuzatish maqsadida tashrif buyuradi.
