Ijtimoiy tarmoqlarda go‘yoki maktab o‘quvchilari o‘zaro janzallashganligi haqidagi xabarlar tarqalib turli muhokamalarga sabab bo‘lmogda. Holat yuzasidan Toshkent shahar IIBB axborot xizmati rasmiy ma’lumot berdi.
Unga ko‘ra, joriy yilning 11 sentabr kuni taxminan soat 22.30 larda Mirabod tumani Qo‘yliq mavzeasi 2-uy oldida 2005 yilda tug‘ilgan B.F. o‘zining tanishi 2005 yilda tug‘ilgan J.E. bilan ketayotgan vaqtida o‘ziga notanish bo‘lgan yigitlar bilan o‘zaro og‘zaki tortishib qolgan. Shundan so‘ng B.F. hamda E.X.lar ulardan biri voyaga yetmagan 2008 yilda tug‘ilgan Sh.O. bilan o‘zaro urushib ketishgan. Song B.F. voyaga yetmagan Sh.O.ga o‘tkir tig‘li jism bilan tan jarohati yetkazgan.
Natijada voyaga yetmagan Sh.O. shifoxonaga yotqizilgan, uning sog‘lig‘i shifokorlar nazoratida.
Mazkur holat yuzasidan Mirabod tumani IIO FMB Tergov bo‘limi tomonidan O‘zbekiston Respublikasi Jinoyat Kodeksining 277-moddasi ("Bazorilik") bilan jinoyat ishi qo‘zg‘atilgan. Tergov harakatlari davom etmogda, yakuni bo‘yicha qonuniy qaror qabul qilinishi ta’milanadi, deyiladi xabarda.
