Samarqanda piyodani urib yuborgan haydovchi 7 yilga qamaldi

11 aprel kuni Samarqandda 28 yoshli haydovchi Lacetti mashinasini piyodalar ustiga haydab, yo‘l-transport hodisasiga sabab bo‘ldi. Voqea oqibatida bir kishi halok bo‘ldi, yana bir nechtasi tan jarohati oldi. Jinoyat ishlari bo‘yicha Samarqand shahar sudi ushu ishni ko‘rib chiqdi. Sud qaroriga ko‘ra, 1997 yilda tug‘ilgan haydovchi Jinoyat kodeksining 266-moddasi 2-qismi bilan aybdor deb topilib, 7 yilga ozodlikdan mahrum etildi hamda 3 yilga transport boshqarish huquqidan mahrum qilindi. Eslatib o‘tamiz, yaqinda Surxondaryoda ham shunga o‘xshash hodisa yuz bergan, Damas haydovchisi piyodalar yo‘lagidan o‘tayotgan to‘rt kishini urib yuborgan edi.