Rossiya prezidentining tabiatni asrash masalalari bo`yicha maxsus vakili Sergey Ivanov amerikalik aktrisa Pamela Andersonga o`ziga xos sovg`a hadya etdi, deb xabar berdi, “Tvzvezda.ru” nashri.
So`nggi paytlarda Gollivud yulduzi Pamella Anderson hayvonlarni himoya qilish bo`yicha faol harakat qilayotgani tufayli, rossiyalik siyosatchi unga Uzoq Sharq leopardi tasvirlangan taqvimni sovg`a qildi.
Bu sovg`ani Anderson Hayvonlarni himoya qilish xalqaro jamg`armasi rahbari Azzedin Dauns bilan uchrashganda qabul qilib oldi. Bu uning Ivanovdan olgan ilk sovg`asi emas. Pamela Anderson 2015 yilda Rossiyaga qilgan tashrifi vaqtida Ivanov unga 4 yoshli urg`ochi, Uzoq Sharq leopardini boqish huquqini beruvchi sertifikat topshirgan edi.
