Prezident farmoniga ko‘ra, tizim arxiv hujjatlari va DNK ma’lumotlari asosida ishlaydi.
O‘zbekistonda fuqarolarga oilaviy shajaralari haqida online ma’lumot taqdim etishga mo‘ljallangan “Shajara” axborot tizimi ishga tushiriladi.
Bu prezidentning 24 noyabrda imzolangan “Arxiv ishi sohasini raqamlashtirish va boshqaruv samaradorligini oshirish chora-tadbirlari to‘g‘risida”gi farmonida belgilandi.
Unga ko‘ra, “FHDYening yagona elektron arxivi”dagidagi dastlabki ma’lumotlar hamda davlat va idoraviy arxivlarda saqlanayotgan hujjatlar asosida fuqarolarning oila shajarasi elektron shaklda tuzib beriladi.
Shuningdek, Hadicha Sulaymonova nomidagi Respublika sud ekspertiza markazi DNK ma’lumotlari orqali fuqarolarning etnik kelib chiqishi haqida ham ma’lumot taqdim etishi ko‘zda tutilgan.
