Qarorga ko‘ra, Milliy gvardiyaning Qo‘riqlash bosh boshqarmasi tugatilib, uning o‘rniga Ichki ishlar vazirligi huzurida Qo‘riqlash departamenti tashkil etildi. Yangi departament zimmasiga bir qator ustuvor vazifalar yuklanadi. Jumladan:
Davlat, toifalangan va boshqa muhim ob’ektlar, shuningdek, ta’lim muassasalari va fuqarolarning mulkini zamonaviy texnologiyalar asosida qo‘riqlash;
qo‘riqlanayotgan ob’ektlarda ichki tartib va nazorat rejimini ta’minlash;
qo‘riqlash jarayoniga axborot-kommunikasiya vositalari va sun’iy intellekt texnologiyalarini keng joriy etish.
Qarorda qayd etilishicha, 2026 yil 1 yanvardan boshlab qo‘riqlovga olingan banklar, yirik ishlab chiqarish korxonalari, mahalliy hokimliklar va boshqa ob’ektlarning kirish-chiqish nuqtalariga yuz aniqlash imkoniyatiga ega texnik vositalar bosqichma-bosqich o‘rnatiladi.
