Kanada sudi 93 yoshli milliarder, Magna International asoschisi Frank Stronaxni ikki nafar ayolga nisbatan jinsiy zo‘ravonlik va shilqimlik qilishda aybdor deb topdi. Bu haqda CBC News nashriga tayanib Zamon.uz xabar berdi.
Ish Ontario oliy sudida, Toronto shahrida ko‘rib chiqilgan. Sud uni ikki epizod bo‘yicha aybdor deb topgan, yana uchta ayblov bo‘yicha esa oqlagan. Stronax o‘zini aybsiz deb hisoblashini bildirgan.
Sud materiallariga ko‘ra, voqealar 1970–1980 yillarga to‘g‘ri keladi. Jabrlanuvchilardan biri uning noo‘rin harakatlarini bayon qilgan, yana bir ayol esa shilqimlik holatlari sodir bo‘lganini aytgan.
Sudya qayd etishicha, ko‘p yillar o‘tgani sababli ko‘rsatmalarni baholash qiyinlashgan va ayrim epizodlar bo‘yicha yetarli dalillar mavjud emas.
Ma’lumot uchun, Frank Stronaxning boyligi 2018 yilda 1,5 milliard dollarga baholangan. Unga nisbatan yakuniy hukm 17 sentyabr kuni e’lon qilinishi kutilmoqda.
