Qutlovlarda Prezidentimiz rahbarligida Yangi O‘zbekistonni barpo etish strategiyasi doirasida amalga oshirilayotgan keng ko‘lamli siyosiy islohotlar va ijtimoiy-iqtisodiy yangilanishlar yuqsaq baholanmoqda.
Shuningdek, mamlakatimizning ochiq, pragmatik va proaktiv tashqi siyosati natijasida xalqaro maydondagi nufuzi tobora mustahkamlanishi alohida qayd etilgan.
Xorijiy hamkorlar Prezident Shavkat Mirziyoyev va ko‘p millatli O‘zbekiston xalqiga yangi yilda tinchlik-osoyishtalik, barqarorlik, farovonlik va katta muvaffaqiyatlar tilagan.
Jumladan, Rossiya, Xitoy, Markaziy Osiyo, Yevropa, Osiyo va Yaqin Sharq mamlakatlari rahbarlari, shuningdek BMT, SHT, MDH, Jahon banki, FIFA kabi nufuzli xalqaro tashkilotlar yetakchilari o‘z tabriklarini yo‘llagan. Qutlovlar kelishda davom etmoqda.
