6 yanvar kuni kechqurun Toshkentda Nexia-3 va BYD haydovchilari yo‘lda yo‘l talashib, qatnov qismida janjallashdi. Hech kim jarohat olmagan, hujjatlar sudga yuborildi.
1986 yilda tug‘ilgan A.A. Nexia-3 avtomashinasida, 1982 yilda tug‘ilgan S.A. BYD haydovchisi bilan Shayxontohur tumani Islom Karimov ko‘chasida yo‘l talashdi. Yangi yuz bergan janjalda ular yo‘lning qatnov qismida to‘xtab, jamoat joyida o‘zaro urishib, tartibni buzdi.
Shayxontohur tumani IIO FMB tomonidan Ma’muriy javobgarlik to‘g‘risidagi kodeksning 183-moddasi (mayda bezorilik) asosida ma’muriy bayonnoma rasmiylashtirildi. Hujjatlar jinoyat ishlari bo‘yicha tuman sudiga yuborilgan.
Aybdorlar bazaviy hisoblash miqdorining 3–5 baravari miqdorida jarimaga tortilishi yoki 15 sutkagacha ma’muriy qamoqqa olinishi mumkin.
