11 yanvar kuni soat 22:20 atrofida Phuket orolining Mai Khao hududida joylashgan Golden Sat restoranida sodir bo‘ldi. Bu haqda “The Phuket News” nashri xabar berdi.
Ma’lumotlarga ko‘ra, mahalliy aholiga mansub 16 yoshli qiz hojatxonadan chiqayotganida erkak tomonidan to‘xtatilib, majburan orqaga tortilib, nomaqbul harakatlarga duchor etilgan.
Qizning qichqirig‘ini eshitgan restoran mijozlari gumonlanuvchini ushlab, politsiya yetib kelguniga qadar ushlab turgan. Keyinchalik u huquqni muhofaza qiluvchi organlar tomonidan bo‘limga olib ketilgan.
Qayd etilishicha, holat Tailand qonunchiligi doirasida tergov qilinmoqda. Mazkur mamlakatda voyaga yetmaganlarga nisbatan jinsiy dahlsizlikka tajovuz qilish og‘ir jinoyat hisoblanib, aybdor shaxs 10 yilgacha ozodlikdan mahrum etilishi mumkin.
