Ma'lumotlarga ko'ra, 2025 yil davomida mamlakatga 156,9 ming tonna mol go'shti olib kirilgan bo'lib, import hajmi 661,2 million dollarni tashkil etdi. Bu ko'rsatkich 2024 yildagiga nisbatan qariyb 63 ming tonnaga ko'p. Bir kilogramm mol go'shti o'rtacha 4,2 dollardan to'g'ri kelgan.
Shuningdek, qo'y go'shti importi qariyb 2,5 baravar oshib, 33 ming tonnaga yetgan. Tovuq go'shti xaridi ham ortib, 64,9 ming tonnani tashkil etgan.
Qayd etilishicha, 2025 yilda mamlakatda mol go'shti narxi 23,9 foizga, qo'y go'shti esa 26,8 foizga qimmatlashgan. 2026 yilda esa chet eldan 100 ming bosh qoramol hamda 200 ming bosh qo'y-echki olib kelish rejalashtirilmog'da.
