Isroil manbalariga ko‘ra, Eron Oliy Rahbari Oyatulloh Homeneiy Isroil zarbasi natijasida ehtimol halok bo‘lgan bo‘lishi mumkin. Bu haqda The Times of Israel 12-telekanal reportaji va nomi ochiqlanmagan manbalarga tayanib xabar berdi.
Telekanal ma’lumotiga ko‘ra, Isroil tomonidan Homeneiyni "katta ehtimol bilan o‘ldirilgani" baholanmoqda va bu versiyani qo‘llab-quvvatlovchi "tobora ko‘payib borayotgan belgilar" mavjudligi ta’kidlangan. Ayni paytda bu ma’lumot rasman tasdiqlanganligi yo‘q.
Bundan biroz oldin 12-telekanal Isroil tomonining bahosiga ko‘ra, Homeneiyni "kamida jarohat olgan" bo‘lishi mumkinligini xabar qilgan edi. Shu bilan birga, xulosalar vayron qilingan qarorgoh majmuasining sun’iy yo‘ldosh tasvirlariga emas, balki nomi ochiqlanmagan manbalar ma’lumotiga asoslanganligi ta’kidlangan.
Xabar qilinishicha, Homeneiy yaqin vaqt ichida murojaat bilan chiqishi kutilmog‘da. Telehabarda, agar bunday chiqish namoyish etilsa, u oldindan yozib olingan bo‘lishi mumkinligi haqida taxmin ham bildirilgan.
Shuningdek, 12-telekanalning ta’kidlashicha, kun davomida berilgan zarbalar Eron rejimi rahbariyati va uning harbiy qo‘mondonligiga "juda katta zarar" yetkazgan.
