Yaqin Sharqda 23 kundan beri davom etgan mojaro natijasida kamida 2100 bola halok bo‘lgan yoki jarohat olgan. Shu davr mobaynida Eronda 206, Livanda 118 bola vafot etgan, Isroilda to‘rta va Quvaytda esa bitta bola halok bo‘lgan. Bu haqda Zamon.uz ma’lum qildi.
Chaybanning ta’kidlashicha, urush boshlanganidan beri har kuni o‘rtacha 87 bola jarohat olgan yoki o‘ldirilgan. “Mintaqadagi bolalar mojaroning dahshatli ta’sirini boshdan kechirmoqda. Agar janglar davom etsa, qurbonlar va yaralanganlar soni orishi mumkin”, dedi u.
BMT ma’lumotlariga ko‘ra, jangovar harakatlar natijasida bolalar farovonligi uchun muhim bo‘lgan uylar, maktablar, kasalxonalar va boshqa infratuzilma vayron bo‘lgan yoki jiddiy shikastlangan.
Pentagon tomonidan berilgan ma’lumotlarga ko‘ra, AQSH Erondagi 9000 ta nishonga zarba bergan va Eronning 140 ta kemasiga zarar yetkazgan yoki ularni vayron qilganini da’vo qilmoqda. Avvalroq, Donald Tramp 9 aprelni Eronga qarshi harbiy operatsiyaning tugash sanasi sifatida belgilashni rejalashtirayotgani xabar qilingan edi.
Shu bilan birga, Benyamin Netanyaxu bilvosita Eron bilan kelishuvni tasdiqladi, ammo Isroil bir kun oldin Tehron va Urmiyadagi hududlarni bombardimon qilgan. Zarba turar-joy hududlariga tushgan, Eron harbiylari esa o‘z suverenitetini himoya qilish choralarini ko‘rmoqda.
Joriy mojaro 28 fevral kuni AQSH va Isroil tomonidan Erondagi nishonlarga zarba berish bilan boshlangan. Eron esa bunga javoban Isroil hududi va Yaqin Sharqdagi AQSH harbiy ob’ektlariga javob zarbalarini berdi.
